კვლევები

   
კვლევის მიზანი იყო შეემოწმებინა  გენდერული საკითხების გაცნობიერების დონე ქვეყნის პოლიტიკურ დღის წესრიგში. კვლევა ორი ნაწილისაგან შედგება: პირველ ნაწილში გენდერული კუთხით გაანალიზდა 2016 წლის საპარლამენტო არჩევნებში მონაწილე პოლიტიკური პარტიების პროგრამები, ასევე ჩატარდა პოლიტიკოსთა გამოკითხვა გენდერული თანასწორობისა და საარჩევნო კამპანიებში გენდერული საკითხების გათვალისწინების თაობაზე, სადაც სულ გამოიკითხა 6 პარტიის („ქართული ოცნება“, „ერთიანი ნაციონალური მოძრაობა“, „ევროპული საქართველო“, „რესპუბლიკური პარტია“, „თავისუფალი დემოკრატები“, „პატრიოტთა ალიანსი“) წევრი 40 პოლიტიკოსი.   მეორე ნაწილში გენდერული საკითხების თაობაზე გამოიკითხვა ამომრჩევლებთან ჩატარდა; გამოიკითხა 125 რესპონდენტი.

 პარტიათა საარჩევნო პროგრამების ანალიზმა გამოავლინა, გენდერული სკითხების უგულველყოფა. პატრიოტთა ალიანსისა და თავისუფალი დემოკრატებისგან განსხვავებით, ქართული ოცნებას, ნაციონალურ მოძრაობას და რესპუბლიკურ პარტიებს ნაწილობრივ გათვალისწინებული ქონდათ გენდერული საკითხები თავიანთ პროგრამებში.
 პოლიტიკოსებზე ჩატარებულმა კითხვარმა აჩვენა, რომ ზოგადად პოლიტიკური ელიტა ნაკლებად სენსიტიურია გენდერული საკითების მიმართ. განსაკუთრებით უნდა გამოიყოს ქართული ოცნება, სხვა პარტიებთან შედარებით, რომელის წარმომადგენლებმა გამოავლინეს ნაკლები ტოლერანტობა და მეტი გენდერული სტერეოტიპიზაცია, რაც აისახა ეს ქალისთვის და კაცისთვის შესაბამისი საოჯახო საქმეების, კომიტეტებში მონაწილეობის შეფასებაში. 

პოლიტიკოსების მიერ გენდერული საკითების ცოდნის სიმწირე აისახა მათ უუნარობაში დაესახელებინათ გენდერულად მნიშვნელოვანი საკითხები, არადა მათი მტკიცებით, სწორად გენდერული საკითხების წინ წამოწევით აპირებენ ქალების ტარგეტირებას მომავალი თვითმართველობის არჩევნებისას.

  ამის საპირისპიროდ, მოსახლეობა ბევრად უფრო კარგად აცნობიერებს იმ საკითხებს, რაც განსაკუთრებით მნიშვნელოვანია ქალებისა და კაცებისათვის.

 მოცემული კვლევა ძალიან აქტუალურია, რადგან იგი იძლევა ზოგად სურათს პოლიტიკურ დღის წესრიგში გენდერული საკითხების წარმოდგენილობის შესახებ; კვლევის შედეგები ასევე გვისახავს კონკრეტულ მიმართულებებს, რომლებზე ყურადღების გამახვილებითაც პარტიებმა, შესაძლოა, მომავალ არჩევნებში წარმატებას მიაღწიონ.